चितवन ,५ पुस ।
नेपाल आदीबासी जनजाति महासंघको भावि अध्यक्षका लागि २ जनाको उम्मेद्वारी परेको छ ।
चितवनमा जारी नवौं राष्ट्रिय महाधिबेशन अन्तरगत अपरान्ह सुरु निर्वाचन प्रक्रिया अनुसार जगत बहादुर बराम र सूर्य बहादुर भुजेलले महासंघको आगामी अध्यक्षमा उम्मेद्धवारी दिनुभएको हो । बराम काग्रेस निकट र भुजेल नेकपा एमाले निकट हुनुहुन्छ ।
अध्यक्षका प्रत्यासी बराम कोषध्यक्ष र भुजेल महासंघमा उपाध्यक्ष हुनुहुन्छ । १ जना महासचिवका लागि नित्य नन्द ताजपुरिया र टासी लामाले उम्मेद्वारी दिनुभएको छ ।
कोषाध्यक्ष १ पदका लागि मुकुन्द पहरीको उम्मेद्वारी परेको महासंघका उपाध्यक्ष एवं प्रचारप्रसार उप समिति संयोजक डण्डु शेर्पाले बताउनुभयो ।
नौ नौ जना उपाध्यक्ष र सचिव पदका लागि परेको छ । संशोधित नयाँ विधान अनुसार २१ जना पदाधिकारी सम्मिलित सचिवालयमा १ अध्यक्ष, ९ जना उपाध्यक्ष, १ जना महासचिव, १ जना कोषाध्यक्ष र ९ जना सचिव रहने छन् ।
शनिवार सुरु महाधिवेशन हिजो सक्ने तयारी भएपनि राजनीतिक हस्तक्षेपका कारण प्रक्रिया लम्बिएको सहभागीले गुनासो गरेका छन् ।
