काठमाण्डौ ,५ मंसिर ।
आईसीसीले आफुसंग समन्वय नगरि क्रिकेट विवाद समाधान गर्ने प्रयानस सुरु गरेको भन्दै निवार्चित भनिएको चतुरबहादुर चन्द नेतृत्वको नेपाल क्रिकेट संघ क्यानले त्यस्तो कार्य मान्य नहुने चेतावनी दिएको छ ।
काठमाण्डौमा आज साधारण सभा गरेर चन्द पक्षले आईसीसीले गठन गरेको सल्लाहकार कमिटिले विवाद समाधन नहुने निष्कर्श निकालेको छ ।
विवाद समाधानका लागि आईसीसीले बनाएको सल्लाहकार समुहसंग समन्वय गरेर आफुहरु काम गर्न हेको अवस्थामा निर्वा्चित कमिटिलाई बाईपास गरेर क्रिकेट विवाद समाधान हुन नसक्ने सो पक्षले जनाएको छ ।
आईसीसीले बनाएको सल्लाहकार समुहमा असन्तुष्टि जनाउदै निर्वा्चित कमिटिले आफ्ना प्रतिनिधी नपठाउने निर्णय गरेको थियो । चन्द नेतृत्वको निर्वा्चित कमिटिलाई राष्ट्रिय खेलकुद परिषदले अवैधानिक भन्दै रमेश सिलावलको नेतृत्वमा तर्दथ कमिटि गठन गरेको थियो ।
क्यान भित्र चलेको वैधानिकताको लडाई र राजनीतिक हस्तक्षपको कारण देखाउदै अन्तराष्ट्रिय क्रिकेट परिषद आईसीसीले नेपाली क्रिकेटमाथी प्रतिबन्ध लगाएको थियो ।
यस्तै सभाले संघको हितमा काम नगरेको भन्दै प्रमुख कार्यसञ्चालन अधिकृत छुम्बी लामालाई पदमुक्त गर्ने निर्णय गरेको छ । निर्वा्चित कमिटिले संघ प्रतिबन्धमा रहेको अवस्थामा चाडै राष्ट्रिय स्तरको प्रतियोगिता आयोजना गर्ने निर्णय समेत गरेको छ ।
