५ पुस , काठमाडौँ ।
नेकपा (माओवादी)का तीन भातृ संगठनले ईन्धनमा भएको मुल्य बृद्धिको बिरोधमा आगामि पुस ७ गते उपत्यका बन्दको घोषणा गरेका छन् ।
अखिल क्रान्तिकारी,राष्ट्रिय युवा जनस्वयसेवक, अखिल नेपाल क्रान्तिकारी ट्रेड यूनियनले आज संयुक्त विज्ञप्ति जारी गर्दै पेट्रोलियम पदार्थको बृद्धि गरिएको मूल्य फिर्ताको माग गर्दै बन्दको घोषणा गरेका हुन् ।
आज माओवादीले नेपाल आयल निगमले गरेको ईन्धनको मूल्य बृद्धिको बिरुद्ध प्रदर्शन पनि गरेको छ । रत्नपार्कबाट सुरु भएको विरोध र्याली जमल ,कमलादी,पुतलीसडक ,भ्रीकुटीमण्डप हुँदै सुन्धारामा पुगेर कोण सभामा परिणत भएको थियो ।
बाच्न पाउने अधिकार खोस्न पाइदै, भारतीय दलाल सरकार चाहिदैन भन्दै माओवादी नेता(कार्यकर्ताल र सर्वसाधारण र्यालीमा सहभागी भएका थिए ।
कोणसभालाई सम्बोधन गर्दै पेट्रोलियम पदार्थमा भाएको मूल्य बृद्धि सरकारले फिर्ता नलिएसम्म आन्दोलन जारी राख्ने बताएका थिए ।
