भक्तपुर, ५ पुस ।
राष्ट्रिय प्रजातन्त्र पार्टीले ७० जिल्लामा एकीकरण सकेको छ । एक महिनाअघि राप्रपा र राप्रपा नेपालबिच पार्टी एकता भएपछि जिल्ला तहदेखि नै एकीकरण सुरु भएको हो ।
गएको २५ गतेभित्र जिल्ला तहको एकीकरण पूरा गर्ने भनिए पनि प्राविधिक कारणले निर्धा्रित समयमा एकीकरण प्रक्रिया पूरा गर्न नसकिएको पार्टीका महामन्त्री टंक ढकालले बताउनुभयोे ।
विभिन्न १२ जिल्लामा दुई पार्टीका बीचमा कसले नेतृत्व लिने भन्नेबारेमा विवाद भएपछि महाधिवेशनको समय अवधिसम्म आलोपालो गरी नेतृत्व लिने समझदारी पनि भएको छ ।
पार्टीले तत्कालीन पाँचै विकास क्षेत्रमा आधारित भई क्षेत्रीय बैठक तथा सभा समेत सुरु भएको छ । अब एक हप्ताभित्र एकीकरण सकेर महाधिवेशनका लागि प्रतिनिधि छनौटलगायत आवश्यक तयारी गर्ने राप्रपाले जनाएको छ ।
राप्रपाले आउँदो फागुनमा महाधिवेशन गर्ने निर्णय गरिसकेको छ ।
