पुष ५ काठमाण्डौं । मिर्मिरे अनलाईन हुदै विभिन्न सञ्चार माध्यम र उद्घाटन भए लगत्तै कान्तिपुर दैनिकले समाचार प्रकाशित गरे पछि अत्तालिएको चन्द्रागिरीले डाडामा ठूलो मात्रामा मुल्य घटाएको छ ।
उपभोक्ताहरुको समेत चर्को दवाव आउन थाले पछि उसले झण्डै ४० प्रतिशत मुल्य घटाएको छ । चन्द्रागिरी हिल्सको प्रतिवद्धताका नाममा विभिन्न दैनिक पत्रिकाहरुमा विज्ञप्ति प्रकाशित गरेर उसले सार्वजनिक गरेको मुल्य अनुसार उसले २ सय ९० रुपैया लिदै आएको ममलाई एक सय ६० मा झारेको छ ।
त्यसै गरी जेरी, पानी सहितका बस्तुमा उसले त्यतिकै अनुपातमा मुल्य घटाएको सार्वजनिक गरेको छ । डाडामा एकलौटी व्यापार गरीरहेको हिल्सले पैसै तिरेर विज्ञप्ति छपाएको छ ।
बुझिए अनुसार पत्रिकाको रेट अनुसार नै महाप्रवन्धक अभिषेक विक्रम शाहको नाममा विज्ञप्ति रकम खर्च गरेर दैनिक पत्रिकाहरुमा प्रकाशित गरिएको हो । यस अघि शुरुमा उसले डाडामा खाना लान सुरक्षाको कारण भन्ने भ्रामक कारण देखाएर रोक लगाएको थियो ।
विभिन्न मिलेमतोमा उसले सस्तोमा सरकारी जग्गा र वन फडानी गरेर होटल , रेष्टुरेन्ट, चिल्ड्रेन पार्क जस्ता संरचना बनाएको थियो ।
