सुर्खेत ,२ पुस ।
भौतिक पूर्वाधार तथा यातायात मन्त्री रमेश लेखकले संसदलाई कुण्ठित पारेर विपक्षी दल एमालेले मुलुकलाई गम्भीर दुर्घटनामा धकेल्न खोजेको आरोप लगाउनु भएको छ ।
सुर्खेतको वीरेन्द्रनगरमा आज आयोजित कांग्रेस कार्यकर्तासँगको भेटघाट कार्यक्रममा बोल्दै उहाले संविधान संशोधन प्रस्तावको विरोधमा संसदलाई बन्धक बनाउनुभन्दा प्रक्रियामा गएर त्यसलाई विफल पार्न विपक्षी दलहरुलाई चुनौती दिनुभयो ।
संसदमा भएको निरन्तरको अबरोध एमालेका लागि समेत खातक रहेको भन्दै उहाले संशोधन प्रस्तावको विरोधमा सडकमा विरोध जनाउनुको पनि कुनै अर्थ नभएको टिप्पणी गर्नुभयो ।
कांग्रेस केन्द्रीय सदस्यसमेत रहेका मन्त्री लेखकले दुईवटा अतिवादले देशलाई द्वन्द्व र विखण्डनतर्फ धकेलेको आरोप पनि लगाउनु भयो । मन्त्री लेखकले आज बिहान पूर्वीसुर्खेतको रामघाटस्थित भेरी नदीको पुल शिलान्यास गर्नुभएके थियो ।
