पुष २ काठमाण्डौं । नेपालको राजनीतिमा वैदेशिक शक्तिको प्रभाव स्वरुप सहयोग लिने , स्वीकृत गर्ने मामला पनि त्यसरी नै चलखेल हुदा छिमेकी मुलुक चीनले भूकम्पको पुननिर्माणका लागि दिएको १५ अर्ब रुपैया गुम्ने देखिएको छ ।
यता भूकम्प पीडितलाई ५० हजार दिन समेत वर्षौ लगाएर अल्झिएको सरकारले विदेशी सहयोग लिने क्रममा समेत यस्तो लापरबाही गर्दा समस्या देखिएको छ ।
उता भारतले दिने भनेको एक खर्ब क्रृण ( भूकम्प पछि घोषणा गरेको , र मोदीको नेपाल भ्रमणका क्रममा भनिएको ) नदिए पनि सरकारले अपेक्षा गरीरहेको बताईएको छ ।
सरकार र ब्युरोक्रेसीमा भारतीय दवदवाकै कारण चीनले दिने भनेको १५ अर्ब रुपैया लिन मंसीर २० भित्रै सम्झौता गर्न आउन पटक पटक ताकेता गरे पनि सरकारले समयमै कुनै कदम चालेन । तर जब चीनले दिएको समय सिमा सकियो त्यस पछि मंसीर २६ मा सरकारले यस्तो निर्णय गरेको कान्तिपुरले उल्लेख गरेको छ ।
पकट पकट ताकेता गर्दा समेत रकम लिन नेपाली पक्षबाट तत्परता नदेखाईए पछि चीनले असन्तुष्टी जनाउदै आएको छ । चीनले पारवहन सन्धि सहित विभिन्न सहयोगको क्षेत्रमा पहल तीव्र पारीरहेका बेला ओली सरकार ढलेको थियो । परराष्ट्र मन्त्रालयका सचिव शंकर बैरागीले चीनीया दुतावास मार्फत बिहिबार पत्र पठाईसकिएकोले सहयोग हुन सक्ने बताए ।
