काठमाडौं, पुस १ ।
राष्ट्रिय मधेस समाजवादी पार्टीका अध्यक्ष शरतसिंह भण्डारीले मधेसी मोर्चाले अङ्गीकृत नागरिकलाई राष्ट्रपति बनाउने माग नराखेको बताउनु भएको छ ।
पार्टीको राष्ट्रिय प्रशिक्षण कार्यक्रमको आज राजधानीमा उद्घाटन गर्दै भण्डारीले संबिधान संसोधन प्रस्तावलाई ओझेलमा पार्न नागरिकताको बिषयलाई उठाएर मोर्चामाथि आरोप लगाईएको बताउनु भयो ।
व्यवस्थापिका–संसदमा दर्ता भएको संशोधन प्रस्तावलाई ओझेलमा पार्न नागरिकता तथा स्थानिय निकायको चुनावको कुरा अघि सारिएको बताउनु भयो ।
उहाले भन्नुभयोस्थानीय निर्वाचनको कुरा गर्नु संशोधनलाई ओझेलमा पार्ने षड्यन्त्र हो, यदि स्थानीय निकायको निर्वाचन गर्ने हो भने निर्दलीय आधारमा हुनुपर्छ ।
संविधान संशोधन प्रस्ताव परिमार्जनसहित पारित गराउन मोर्चा सहमत रहेको भन्दै भण्डारीले त्यसका लागि प्रमुख प्रतिपक्षीसहितका सबै दलको छलफल र सहमति अपरिहार्य भएको उल्लेख गर्नुभयो ।
फरक प्रसङ्गमा अध्यक्ष भण्डारीले पहिले आफैंले सहमति गरेको विषयलाई अहिले आफ्नो राजनीतिक अभीष्ट पूरा गर्न नेकपा एमालेले राष्ट्रियताको बखेडा झिकेर सामाजिक विभाजन र विखण्डन गर्ने प्रयास गरेकाले त्यसप्रति आफ्नो पार्टी सचेत रहेको बताउनु भयो ।
