काठमाण्डौ, मंसिर ३० ।
प्रमुख प्रतिपक्षी दल नेकपा एमालले संविधान संशोधन विधेयकविरुद्ध संसदभित्र र बाहिर चलिरहेको आन्दोलनलाई अझ सशक्त र प्रभावकारी बनाउने निर्णय गरेको छ ।
एमालेको स्थायी कमिटीको बैठकले संविधान संशोधन विधेयक असंवैधानिक, जनविरोधी तथा राष्ट्रिय हित विपरित रहेको भन्दै आन्दोलनलाई शसक्त बनाउने निर्णय गरेको हो ।
बैठकको निर्णय सुनाउदै केन्द्रिय प्रचार विभाग प्रमुख योगेश भट्टराईले विधेयक फिर्ता गरी आगामी चुनावका लागि राजनीतिक शक्तिहरु बीचमा सहमतिको वातावरण बनाउदै आन्दोलन जारी राख्ने निर्णय भएको बताउनु भयो ।
जनप्रतिनिधिमूलक निकायको चुनाव हुनु अहिलेको अनिवार्यता रहेको उल्लेख गर्दै एमालेले २०७४ माघ अगाडि नै प्रतिनिधिसभासहित सबै तहको चुनाव गर्न पनि माग गरेको छ ।
यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Tweets by @mirmireonline
