काडमान्डौ मंसिर ३० ।
व्यवस्थापिका संसद बैठक आज बस्दै छ । बैठक नयाँ बानेश्वर स्थित संसद भवनमा विहान ११ बजेका लागि बोलाइएको छ ।
सरकारले दर्ता गरेको संविधान संशोधन प्रस्तावलाई तत्कालका लागि थाती राख्ने प्रमुख तिन दल विच सहमति भए सँगै संसद बैठक आज बस्न लागेको हो ।
यस अघि संशोधन विधेयकको विरोधमा प्रमुख प्रतिपक्षी दल नेकपा एमालेले लगातार सदन अवरुद्ध गर्दै आएको छ । यद्यपी संशोधन प्रस्तावलाई तत्कालका लागि थाती राख्न प्रमुख तिन दलविच भएको सहमति पछि संसदको गतिरोध अन्त्य हुने अपेक्षा गरिएको छ ।
आजको बैठकमा निर्वाचन कानुन लगायतका अन्य विषयहरुमा छलफल गर्ने कार्यसुचि रहेको संसद सचिवालयका सह प्रवक्ता सुर्दशन कुइकेलले जानकारी दिनु भयो ।
यस्तै नेपाली कांग्रेसका प्रमुख सचेतक चीन काजी श्रेष्ठले संविधान संशोधनको प्रस्तावलाई तत्कालका लागि बैठकका्े कार्यसुचिमा नराख्ने सहमति प्रमुख तीन दलविच भएको भन्दै एमालेले संसद बैठकमा आज देखि अवरोध नगर्ने बताउनु भएको छ ।
