गुल्मी, मंसिर २९ ।
प्रदेश नम्बर–५ लाई टुक्राउने गरि आएको संविधान संशोधन प्रस्तावविरुद्ध प्रदर्शनमा उत्रिएका गुल्मीका महिलाहरुले प्रहरीघेरा तोड्दै जिल्ला प्रशासन कार्यालयमा प्रवेश गरेका हुन् ।
१५ दिनदेखि बन्द रहेको गुल्मिमा लामो समयसम्म पनि सरकारले आफ्ना माग सुनुवाइ नगरेको भन्दै महिलाहरुले कार्यालय परिसरमै प्रदर्शन गरेका थिए । त्यसलगत्तै प्रहरीघेरा तोड्दै कार्यलयमा प्रवेश गरी प्रधानमन्त्रीलाई ज्ञापनपत्रसहित व्यंग्ग्यात्मकरुपमा कैंची, फूलको माला, सियो–धागो र नेपालको नक्सा उपहार पठाएका छन् ।
‘फूलको मालाजस्तै गरी मिलेर बसेका जनतालाई कैंचीले काटेझैं गरी काट्ने काम भएको’ भन्दै महिलाहरुले गुल्मीका सिडियोमार्फत प्रमालाई सो उपहार पठाएका हुन् ।
आन्दोलनकर्ताले दिनहुँ जिल्ला प्रशासन र जिविस कार्यालयअगाडि धर्ना दिने र फरक–फरक प्रकृतिका प्रदर्शन गर्नेक्रम कायमै राखेका छन् ।
