काठमाडौं ,२९ मंसिर ।
सरकारले नयाँ संरचना अनुसार नै स्थानिय तहको निर्वाचनकालागि संसदमा विधेयक दर्ता गराएको छ ।
प्रमुख दलहरुबीच पुरानै संरचनामा स्थानीय निकायको निर्वाचन गर्ने छलफल चलिरहँदा गृहमन्त्री बिमलेन्द्र निधिले आज गाउँ पालिका र नगरपालिकाको निर्वाचन नयाँ संरचना अनुसार गर्ने गरी विधेयक दर्ता गराउनु भएको हो ।
विधेयकमा नयाँ ‘संविधानको कार्यान्वयनकालागि स्थानीय तहको निर्वाचन यथासक्य छिटो सम्पन्न गर्न अपरिहार्य’ रहेको उल्लेख छ।
स्थानीय तहको निर्वाचन सम्बन्धी व्यवस्था गर्न बनेको विधेयक २०७३ मा निर्वाचनको मिति तोक्ने अधिकार सरकालाई दिन प्रस्ताव गरिएको छ। यसअघि निर्वाचन आयोगले मिति तोक्ने अधिकार आफैंले राख्ने गरी मस्यौदा प्रस्ताव गरेको थियो।
यस्त्ै आजै सरकारले निर्वाचन कसूर तथा सजाय सम्बन्धी विधेयकपनि संसदमा दर्ता गराएको छ । विधेयकमा मतपत्र नस्ट गर्ने, नक्कली मतपत्र तयार गर्ने, छाप दुरुपयोग गर्नेलगायतका कसूरमा संलग्न व्यक्तिलाई दुई वर्षसम्म कैद सजाय व्यवस्था गरिएको छ।
