काठमाण्डौ ,२९ मंसिर ।
प्रधानमन्त्री पुष्पकमल दाहालले असन्तुष्ठ पक्षको माग संबोधन गरेर पूरानै संरचनामा स्थानीय निकायको निर्वाचन गर्ने बताउनु भएको छ ।
सिरहाको लहानमा आज संचारकर्मीसंग प्रधानमन्त्री दाहालले सत्ता साझेदार दल काग्रेस , प्रमुख प्रतिपक्षी एमाले, मधेसकेन्द्रित लगायतका दलको चाहना अनुसार निर्वाचनको तयारी भइरहेको बताउनुभयो ।
आफु प्रधानमन्त्री भएदेखि नै स्थानीय निकायको निर्वाचन गराउने प्रमुख उद्देश्य राखेकाले त्यसलाई पुरा गराएरै छाड्ने प्रतिबद्धता पनि जनाउनु भयो ।
उहाले अहिले संसदमा दर्ता गराएको संबिधान संसोधन प्रस्तावको बिरोधमा बिपक्षी दलले आन्दोलन गर्नुको कुनै अर्थ नरहने बताउनु भयो ।
एमालेले आफैले सहमती गरेको बिषयलाई सत्ता बाहिर पुगेपछि राष्ट्रघातको आरोप लगाएर बिरोध गरेर जनतामा भ्रम छर्ने काम गरेको बताउनु भयो । तर जनताले बिस्तारै बुझ्दै गएपछि साम्य हुने दावी गर्नुभयो ।
मधेसी मोर्चाले माग गरे अनुसार संसदीय प्रक्रियाबाट संविधान संशोधन प्रस्ताव परिमार्जन गर्न सकिने भन्दै प्रधानमन्त्री दाहालले प्रस्ताव फिर्ता भने नहुने दोर्होयाउनुभयो । ।
संशोधनको प्रस्ताव पारित गराउन प्रतिपक्ष, मधेसकेन्द्रित लगायतका दलसंग छलफल चलिरहेको जानकारी दिदै उहाँले संविधानको स्विकार्यता बढाएर निर्वाचनमा जाने लक्ष्य रहेको उल्लेख गर्नुभयो ।
