नवलपरासी, २९ मंसिर ।
प्रहरी अतिरिक्त महानिरिक्षक विश्वराज सिंह शाहीले सिमा क्षेत्रमा बढ्दो अपराधका घटनाहरुलाई नियन्त्रण गर्न निर्देशन दिनुभएको छ ।
लामो समयदेखि सिमा क्षेत्रमा बढदै गएको लागुऔषध ओसार पोसार, मानव बेचबिखन र विभिन्न सामानहरुको चोरी तस्करीलाई नियन्त्रण गर्न नवलपरासी प्रहरीलाई निर्देशन दिनु भएको हो ।
सिमा प्रहरी चौकी महेसपुर नवलपरासीको नवनिर्मित भवनको उद्घाटन गर्दै शाहीले सिमा संवेदनशिल स्थल रहेकोले उक्त क्षेत्रमा दुबै देशको सुमधुरता कायम गरि आपराधिक गतिविधि नियन्त्रण गर्न र शान्ति सुरक्षा चुस्त दुरुस्त बनाउन पनि आग्रह गर्नुभयो ।
शान्ति तथा पुर्न निर्माण मन्त्रालय, शान्तिकोषबाट प्राप्त १ करोड २० लाख रुपियामा सिमा प्रहरी चौकी महेसपुरको दुईतले भवन निर्माण भएको हो ।
वर्षाैंदेखि जिर्ण तथा अपुग अवस्थामा रहेको सिमा प्रहरी चौकीलाई शान्ती सुरक्षा प्रदान गर्न निकै समस्या भैरहेको र अव नया भवन भएपछि सहज हुनुका साथै काममा उर्जा थपिने प्रहरी उपरिक्षक चौधरीले बताउनु भयो ।
