काठमाडौ २९ मंसिर ।
प्रधानमन्त्री पुष्पकमल दाहालले आज आफूले चुनाव जितेको सिराह क्षेत्र नम्बर ५ मा निर्वाचन क्षेत्र विकास कार्यक्रम घोषणा गर्दै हुनुहन्छ ।
हिजो सिरहा पुग्नु भएका प्रधानमन्त्री दाहालले आज स्थानीयसँग अन्तरक्रिया गरी क्षेत्र र जिल्लाको विकासका लागि विभिन्न कार्यक्रम घोषणा गर्ने तयारी छ ।
उहाँले जिल्ला र आफ्नो निर्वाचन क्षेत्रमा सडक तथा पुलपुलेसाका साथै विभिन्न विकास योजनाका कार्यक्रम सन्चालन गर्न लागेको बारे जिल्लावासीलाई जानकारी गराउनु हुने बताइएको छ ।
सरकारले निर्वाचन क्षेत्र विकास कार्यक्रम अन्तरगत प्रत्येक सांसदलाई आफ्नो क्षेत्रको विकासका लागि ३ करोड भन्दा बढी रुपैयाँ दिने गरेको छ ।
प्रधानमन्त्री दाहालले सरकारका तर्फबाट सिरहाको विकासका लागि तर्जुमा गरेको विकास परियाृजनाका बारेमा पनि जिल्लावासीलाई जानकारी गराउनु हुने बताइएको छ ।
