काठमाडौ २८ मंसिर ।
मुलुकको पछिल्लो राजनितिक गतिरोध अन्त्य गर्ने सम्बन्धमा प्रमुख तीन दलका शिर्ष नेताहरुबीच आज छलफल भएको छ ।
बालुवाटारस्थित प्रधानमन्त्रीको सरकारी निवासमा भएको छलफलमा संसदमा जारी गतिरोध अन्त्य गर्नेबारे छलफल भएको जनाएको छ ।
प्रधानमन्त्री पुष्पकमल दाहालसहित प्रमुख तीन दलका शीर्ष नेता सहभागी बैठकमा संविधान संशोधन, निर्वाचन लगायत विषयमा सकारात्मक छलफल भएको बालुवाटार स्रोतले जनाएको छ ।
बैठकपछि कांग्रेस सभापति शेरबहादुर देउवाले छिट्टै अर्को बैठक बसी विद्यमान राजनीतिक समस्याको समाधान खोज्नेबारेमा दलहरु सहमत भएको बताउनु भयो ।
बैठकमा मुलुकलाई निर्वाचनतर्फ केन्द्रित गराउने र निर्वाचन सम्बन्धी कानुनको तर्जुमा लगायत विषयमा गम्भीर छलफल भएको नेताहरुले बताएका छन् ।
सरकारले ल्याएको संविधान संशोधन प्रस्तावको विरोधमा रहेको एमालेले लगातार सदन अवरुद्ध गर्दा संसदको कामकारबाही समेत प्रभावित हुदै आएको छ ।
