काठमान्डौ मंसिर २८।
सन्दीप लामिछानेको कप्तानीमा १९ वर्षमुनिको एसियाकप क्रिकेटका नेपाली टोली आज दिउसो श्रीलंका जादै छन् । नेपाली टोली आगामी ३० गते देखि श्रीलंकामा हुने प्रतियोगितामा सहभागि हुन आज त्यस तर्फ प्रस्थान गर्न लागेका हुन् ।
कप्तान लामिछानेले जित्ने लक्ष्यका साथ श्रीलंका जान लागेको बताएका छन् । प्रतियोगितामा नेपालले आगामी विहीबार आयोजक श्रीलंकका सँग प्रतिस्पर्धा गर्ने छ ।
समूह ‘ए’मा नेपालसँगै, श्रीलंका, भारत र मलेसिया छन् । समूह ‘बी’मा पाकिस्तान, बंगलादेश, अफगानिस्तान र सिंगापुर रहेका छन् ।
नेपाली टोलीमा कप्तान सन्दिप लामिछानेसँगै टिममा मोहम्मद आसिफ, रविन्द्र जंग शाही, आदिल खान, भीम सार्की, अनिल कुमार साह, दिपेन्द्र सिंह ऐरी, पवन सर्राफ, सुवर्णाकार उराव, रहेका छन ।
यस्तै सन्दिप सुनार, कमल सिंह ऐरी, नन्दन यादव, प्रकाश केसी, रोहित कुमार पौडेल, अविश कर्ण पनि टोलीमा समावेश छन् । टिम प्रशिक्षक विनोद दास रहेका छन् ।
