काठमाण्डौ ,२७ मंसिर ।
बन तथा भू–संरक्षणमन्त्री शंकर भण्डारीले आफ्नो पार्टीले नेपाललाई धर्मनिरपेक्ष राष्ट्र बनाउनेबारे निर्णय नै नगरेको बताउनु भएको छ ।
रिपोर्टर्स क्लबमा आज आयोजित कार्यक्रममा बोल्दै काग्रेसका नेतासमेत रहनुभएका उहाले नेपाललाई धर्मनिरपेक्षता बनाउनेबानरे कुनै पनि बैठकमा छलफल नै नभएको बताउनु भयो ।
०६२र६३ को आन्दोलनमा पनि धर्म्निरपेक्षताबारे एजेण्डा नभएको तर अप्रत्यासित ढंगले आएको भन्दै जबरजस्ती अन्तरिम संविधानमा त्यो शब्द घुसाईएकोले हटाउन जनमत संग्रह गर्नुपर्ने बताउनु भयो ।
आफ्नो पार्टी हिन्दूराष्ट्रको पक्षमा रहेको उल्लेख गर्दै उहाले अहिले काग्रेसभित्र हिन्दुराष्ट्रको बारेमा सशक्त बहस भईरहेको बताउनु भयो ।
मन्त्री भण्डारीले जनभावनाको कदर गरेर नेपाललाई हिन्दूराष्ट्र बनाउनु पर्नेमा जोड दिनुभयो ।
यस्तै उहाले तीनै दलको सहमतीमा संबिधान संसोधन प्रस्ताव आएको पनि दाबी गर्नुभएके छ । उहाले आफैले गरेको सहमती सत्ताबाहिर जानेबित्तिकै राष्ट्रिघमती भयो भनेर बिरोध गर्नु गलत रहेको टिप्पडि पनि गर्नुभयो ।
