काठमाडौ २७ मंसिर ।
आगामी फागुन तेस्रो सातादेखि काठमाडौमा अन्तर्राष्ट्रिय लगानी सम्मेलन हुने भएको छ । लगानीका लागि नेपाल उपयुक्त गन्तव्य हो भन्ने विश्वास विदेशी लगानीकर्तालाई जगाउन सरकारले अन्तर्राष्ट्रि लगानी सम्मेलन गर्न लागेको हो ।
सम्मेलन निर्देशन समितिका अध्यक्ष तथा उद्योगमन्त्री नविन्द्रराज जोशीलेमुलुकका विभिन्न क्षेत्रमा गर्न सकिने लगानीका सम्बन्धमा दुई दिने सम्मेलनको आयोजना गरिएको जानकारी दिनुभयो ।
हार्डनेसिङ इन्भेष्टमेन्ट अपरच्युनिटीज नेपाल नाम दिइएको सम्मेलनमा राजनितिक प्रतिवद्धता सहित प्रशासनिकका साथै कानुनी संरचनाका बारेमा जानकारी गराइने मन्त्री जोशीले बताउनु भयो ।
सम्मेलन मार्फत मन्त्रालयले सन् २०३० सम्ममा नेपालको आर्थिक अवस्था कस्तो हुन्छ भन्ने सम्बन्धमा तयार पारिएको खाका विश्वका लगानीकर्तालाई दिने तयारी गरेको छ ।
सम्मेलनमा करिब ३०० जना लगानीकर्ताको सहभागिता रहने सरकारको अपेक्षा छ । यसअघि भूकम्प लगत्तै सरकारले अन्तर्राष्ट्रिय दाता सम्मेलन गरेको थियो ।
सम्मेलन मार्फत सरकारले उर्जा तथा पूर्वाधार, सुचना तथा सन्चार, पर्यटन, वित्तिय क्षेत्र, खानी तथा खनिज र कृषि प्रशोधनका साथै उद्योगका क्षेत्रमा लगानीका लागि वैदेशिक लगानीकर्तालाई आह्वान गर्नेछ ।
