एजेन्सी, मंसिर २६।
इंग्लिस प्रिमियर लिग फुटबल अन्तरगत गए राति भएको खेलमा आर्सनलद्धारा स्टोक सिटी पराजित भएको छ । आर्सनलले स्टोक सिटीलाई ३–१ गोल अन्तरले पराजित गर्दै शीर्ष स्थानमा उक्लिएको छ ।
आर्सनलको जितमा थियो वालकोट, मेसुट ओजिल र एलेक्स इओबीले एक एक गोल गरे । स्टोक सिटीका लागि चार्ली एडमले एक गोल फर्काए ।
खेलको २९ औं मिनेटमा पाएको पेनाल्टीको अवसरलाई सदुपयोग गर्दै एडमले स्टोक सिटीलाई सुरुवाति अग्रता दिलाएका थिए । ४२ औं वालकोटले गोल गरेपछि पहिलो हाफमा खेल १–१ को बराबरी भयो ।
खेलको ४९ औं मिनेटमा ओजिलले गोल गर्दै टिमलाई २–१ को अग्रता दिलाए । ७५ औं मिनेटमा इओबीले गोल गरेपछि आर्सनल ३–१ ले विजयी भएको हो ।
जितपछि आर्सनलको १५ खेलबाट ३४ अंक भएको छ । १४ खेलबाट ३४ अंक नै रहेको चेल्सी गोलअन्तरका आधारमा दोस्रो स्थानमा छ । १९ अंकसहित स्टोक सिटी भने १० औं स्थानमा छ ।
