चितवन , २५ मंसिर ।
माओवादी केन्द्रका नेता अग्निप्रसाद सापकोटले आन्दोलन र बिरोध गर्दैमा सरकारले संविधान संशोधन प्रक्रिया फिर्ता नलिने बताउनु भएको छ ।
प्रेस सेन्टर चितवन शाखाद्वारा आज आयोजित पत्रकार भेटघाट कार्यक्रममा बोल्दै नेता सापकोटाले कसैले बिरोध गर्दैमा संसोधन प्रस्ताव फिर्ता नहुने बताउनु भयो । संसोधन प्रस्तावलाई थप परिमार्जन गर्न सकिने भन्दै उहाले एमालेलाई पनि सहमतीमा आउन आग्रह गर्नुभयो ।
संसोधन प्रस्ताव पारित गराए अघि बढ्ने भन्दै उहाले यदि प्रस्ताव पारित नभए पनि सरकारले चुनाव गराएर छाड्ने बताउनु भयो । सरकार गठनका बेला भएको तीन बुँदे सहमतिको आधारमा आएका भन्दै उहाले समयअनुसार अनिवार्य र आवश्यकता भएकोले सरकारले संशोधन प्रक्रिया अगाडि बढाएको दाबी गर्नुभयो ।
अहिले चुनाव पहिलो आवश्यकता भएको भन्दै एमालेको अवरोधका कारण महाअभियोगको प्रस्ताव समेत ओझेलमा परेको उहाको भनाइ छ ।
संविधान संशोधन कतैबाट निर्दे्शित नभई संघीयता जटिल र पेचिलो भएको भन्दै उहाले सबै जातजाति, सबै क्षेत्रको अधिकार सुनिश्चित गर्न पटक–पटक संशोधन गर्न सरकार तयार रहेको बताउनु भयो ।
