काठमाडौं, मंसिर २५।
१८ औ दिनदेखि आमरण अनशनमा बस्नुभएका विकास तिवारीको स्वास्थ्य अवस्था नाजुक बन्दै गएपछि सरकारले उहाको मागबारे चासो देखाएको छ ।
गजेन्द्रनारायण सिंह सगरमाथा अञ्चल अस्पतालको सुधार लगायतका माग राखेर अनसन बस्नुभएका तिवारीका मागबारे छलफल गर्न आज स्वास्थ्यमन्त्री गगन थापा सप्तरी जाने हुनुभएके छ ।
मन्त्री थापा आज तिवारीलाई भेट्न र उहाँका मागबारे छलफल गर्न राजविराज जाने उहाँका सल्लाहकार प्रताप पौडेलले जानकारी दिनुभयो ।
सद्भावनापार्टी गजेन्द्रबादीका अध्यक्ष समेत रहनु भएका तिवारीले अस्पतालमा अनियमितता भएको भन्दै त्यसको छानविन , अस्पतालमा रहेका उपकरण , फोहर व्यावस्थापन तथा नागरिकलाई सहज उपचारको ब्यवस्था गर्न माग गर्दै आमरण अनसनमा बस्नु भएका हो ।
तिवारीका माग पूरा गर्न स्वास्थ्य मन्त्रालयका सल्लाहाकार डाक्टर रामेश कोइराला सहितको टोलीले सप्तरी पुगेर छलफल गर्नुका साथै समस्या समाधानका लागि मन्त्रालयले अर्को समिति पनि गठन गरेको छ ।
तर तिवारीले आफ्ना माग पूरा हुने प्रतिवद्धता आएपनि स्वास्थ्य मन्त्री थापा पनि आफूलाई भेट्न आउनुपर्ने माग गर्दै आउनुभएको छ ।
