काठमाण्डौ, मंसिर २४ ।
यस वर्षको कक्षा १० को अन्तिम परीक्षा आगामि चैत देखि सुरु हुने भएके छ ।
परीक्षा नियन्त्रण कार्यालय सानोठीमी भक्तपुरले आज सार्वजनिक गरेको तालिका अनुसार आगामी चैत्र ३ देखि नियमित र प्राविधिक धारका विद्यार्थीका लागि परीक्षा तोकिएको छ ।
चैत्र ३ गते पहिलो दिन अंग्रजी, ४ गते नेपाली, ६ गते गणित, ७ गते विज्ञान, ८ गते सामाजिक शिक्षाको परिक्षा हुनेछ । यस्तै चैत ९ गते स्वास्थ्य जनसंख्या तथा वातावरण, १० गते ऐच्छिक प्रथम र ११ गते ऐच्छिक द्वितिय विषयका लागि परीक्षा हुने कार्यालयले जनाएको छ ।
प्राविधिक धारका विद्यार्थीको परीक्षा भने १४ गते सकिनेछ । परीक्षामा ६ लाख भन्दा बढी विद्यार्थी सामेल हुने परीक्षा नियन्त्रक अम्विका रेग्मीले जानकारी दिनुभयो ।
सरकारले विद्यालय शिक्षालाई कक्षा १२ सम्म विस्तार गर्ने तयारी गरेपनि कक्षा १० को परीक्षा भने परीक्षा नियन्त्रण कार्यालयले नै सञ्चालन गर्ने भएको छ ।
