काठमाडौं, मंसिर २४ ।
सत्ता साझेदार दल नेपाली कांग्रेसका सभापति शेरबादुर देउवाले जनताका जायज मागलाईसमेत अतिरन्जित गरेर प्रचार गर्ने र अराजकता फैलाउने कार्यमा एमाले लागेको आरोप लगाउनु भएको छ ।
राजधानीमा आज नेपाल कर्मचारी युनियन संघको विधानसभा उद्घाटनसत्रमा सभापति देउवाले आफ्नो स्वार्थ पुरा नहुदा विपक्षी दल एमाले र त्यसको नेतृत्वले मुलुकमा अराजकता फैलाएर विखन्डनलाई सहयोग पुग्ने काम गरिरहेको बताउनु भयो ।
एमालेका कारण मुलुकमा विखन्डनको नारा आउन थालेको भन्दै उहाले यस्तो कार्य तत्काल बन्द नगरे त्यसबाट उत्पन्न परिस्थीतिको जिम्मेवार पनि एमाले नै हुनपर्ने बताउनु भयो ।
एमालेकै सहयोगमा संशोधन विधेयक पास हुन पनि देउवाको दाबी छ ।
कार्यक्रममा कांग्रेस महामन्त्री डा. शशांक कोइरालाले विपक्षी दलले अनावश्यक विषयमा विवाद गरेको भन्दै दलहरुबीच सहमति गरी निकासको बाटोमा लाग्नुपर्ने धारणा राख्नुभयो ।
शनिबारसम्म चल्ने विधानसभाले कर्मचारी युनियनको विधान संघीय संरचनाअनुसार तय गर्नेछ ।
