उदयपुर , २४ मंसिर ।
उदयपुरको लेखानीमा आज बिहान भएको यात्रु बस दुर्घटनामा ४ जनाको मृत्यु भएको छ । ३२ जना घाइते भएका छन् ।
खोटाङको हलेशी महादेवको दर्शनका लागी गएको बा ४ ख ३६२० नम्बरको बस सिद्धिचरण लोकमार्ग अन्र्तगत उदयपुरको लेखानी ५ भदौरेमा दुर्घटना भएको हो ।
मृत्यु हुनेमा सप्तरी मधुपट्टीकी ६० वर्षिया सरस्वती देवी राम, सोही स्थानकी ३३ वर्षिया कुशुम देवी राम र ११ वर्षिय बालक दिपेश राम रहेका छन् ।
अर्की एक महिलाको सनाखत हुन नसकेको कटारीस्थित ईलाका प्रहरी कार्यालयका नायव उपरिक्षक चिरन्जीवी कोइरालाले जानकारी दिनुभयो ।
३ जनाको घटनास्थलमै र बालक दिपेशको उपचारका लागी लैजाने क्रममा मृत्यु भएको हो ।
बस चालक लालन पासवानको अवस्था गम्भिर रहेको प्रहरीले जनाएको छ । घाईतेहरुको उदयपुरको कटारी अस्पतालमा उपचार भईरहेको छ ।
यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Tweets by @mirmireonline
