काठमाण्डौ ,२४ मंसिर ।
राष्ट्रपति विद्यादेवी भण्डारीले मुलुकका प्रमुख तीन पदमा महिलाको उपस्थिति अधिकार प्राप्तीका लागि महत्वपूर्ण कदम भएको बताउनु भएको छ ।
लैंगिक हिंसा बिरुद्धको १६ दिने अभियान अन्तरगत राजधानीमा आज बिहान आयोजित अन्तरक्रिया कार्यक्रममा राष्ट्रपति भण्डारीले आफ्नो अधिकार प्राप्तीको लडाईंमा नेपाली महिलाहरु विजय उन्मुख भएको बताउनु भयो ।
उहाले महिलामाथि हुने हिंसा कम गर्दै समान अधिकार प्राप्तिका लागि आफ्नो क्षेत्रबाट हरसम्भव प्रयास गर्ने प्रतिबद्धता पनि जनाउनु भयो ।
यस्तै प्रधानन्यायधीश सुशीला कार्कीले संविधानमा सुनिश्चित भएको अधिकार सम्बन्धमा न्यायपालिका प्रतिबद्ध रहेको बताउदै सर्वोच्च अदालत र न्यायालय त्यसका लागि गम्भीर रहेको धारणा राख्नुभयो ।
सभामुख ओनसरी घर्तीले लैंगिक समानताका लागि महिला हिंसा कम गर्न र समान अधिकार प्रत्याभूत गराउन आवश्यक कानुन निर्माणलाई संसदले प्राथमिकतामा राखेको जानकारी दिनुभयो ।
हिंसा कम गर्न र संसद कानुन निर्माणका लागि अग्रसर रहेको बताउदै उहाँले अधिकार प्राप्तीको लडाईंमा आफुले थप मेहनत गर्ने प्रतिबद्धता ब्यक्त गर्नुभयो ।
कार्यक्रममा संसदमा प्रतिनिधित्व गर्ने अधिकांश दलका महिला सांसदको उपस्थिति रहेको थियो । नेपाली कांग्रेस, एमाले, नेकपा माओवादी केन्द्रका महिला सांसदहरुले अधिकारका लागि आ–आफ्नो क्षेत्रबाट योगदान गर्ने बताएका थिए ।
