काठमाडौं ,मंसिर २४ ।
प्रधानमन्त्री पुष्पकमल दाहालले संघीयता र समावेशी समानुपातिक व्यावस्थाको बिरोध गर्नेहरुले बखेडा झिकेर आन्दोलन गरिरहेको बताउनु भएको छ ।
संविधान संशोधन प्रस्तावको विषयलाई लिएर भइरहेको आन्दोलनका पछाडि ठूलो षडयन्त्र भएको आरोप लगाउदै उहाले संघियता नचाहनेको चलखेल भएको बताउनु भयो ।
माओवादी केन्द्रका अध्यक्ष समेत रहनुभएका प्रधानमन्त्री दाहालले पार्टीका अगुवा कार्यकर्तासंग आज सुर्खेतको विरेन्द्रनगरमा भएको भेटमा बिभिन्न आन्दोलनबाट प्राप्त उपलव्धि मन नपराउनेहरुले षडयन्त्रको तानावान बुनिरहेको आरोप लगाउनुभयो ।
सरकार निर्वाचनको मिति घोषणा गर्ने तयारीमा जुटेको भन्दै प्रधानमन्त्री दाहालले त्यसपछि मात्र संविधान कार्यान्वयन हुने बताउनुभयो ।
उपलब्धी संस्थागत गर्न संविधानको कार्यान्वयन अपरिहार्य रहेको र त्यसकालागी निर्वाचन गर्नैपर्ने उहाँको भनाई थियो ।
फरक प्रसंगमा उहाँले मोहन वैद्य, बाबुराम भट्टराई, नेत्रविक्रम चन्द लगायतका दलसंग पनि पार्टी एकता हुने जिकिर गर्नुभयो ।
