काठमाडौं, मंसिर २४।
सत्र औ दिनदेखि आमरण अनशनमा बस्नुभएका विकास तिवारीलाई भेट्न स्वास्थ्यमन्त्री गगन थापा भोली सप्तरी जाने हुनुभएको छ । मन्त्री थापा भोली तिवारीलाई भेट्न र उहाँका मागबारे छलफल गर्न राजविराज पुग्ने उहाँका सल्लाहकार प्रताप पौडेलले जानकारी दिनुभयो ।
सद्भावनापार्टी गजेन्द्रबादीका अध्यक्ष समेत रहनु भएका तिवारीले गजेन्द्रनारायण सिंह सगरमाथा अञ्चल अस्पतालमा अनियमितता भएको भन्दै त्यसको छानविन गर्नुपर्ने, नागरिकलाई सहज उपचारको ब्यवस्था गर्न माग गर्दै आमरण अनसनमा बस्नु भएका हो ।
तिवारीका माग पूरा गर्न स्वास्थ्य मन्त्रालयका सल्लाहाकार डाक्टर रामेश कोइराला सहितको टोलीले सप्तरी पुगेर छलफल गरेको छ भने समस्या समाधानका लागि मन्त्रालयले अर्को समिति पनि गठन गरेको छ ।
तर तिवारीले आफ्ना माग पूरा हुने प्रतिवद्धता आएपनि स्वास्थ्य मन्त्री थापा पनि आफूलाई भेट्न आउनुपर्ने माग गर्दै आउनुभएको छ ।
