काठमाण्डौ ,२२ मंसिर ।
कांग्रेसका वरिष्ठ नेता रामचन्द्र पौडेलले सरकारले सदनमा दर्ता गराएको संबिधान संसोधन प्रस्ताव काग्रेस र एमालेको तत्कालीन साझा दस्तावेज भएकोले एमालेले ‘राष्ट्रघाती’ भन्नु गलत भएको टिप्पणी गर्नुभएको छ ।
दस दिने जापान भ्रमण सकेर आज स्वदेश फर्केलगत्तै त्रिभुवन अन्तर्रा्ष्ट्रिय विमानस्थलमा पत्रकारसँग कुरा गर्दै पौडेलले आफैले सहमती जनाएको प्रस्तावलाई अहिले आएर ‘राष्ट्रघाती’ भन्न नमिल्ने बताउनु भयो ।
नेता पौडेलले राष्ट्रलाई निकास दिने गरी जिम्मेवार हुन एमाले र मधेस केन्द्रित दलहरुलाई आग्रह समेत गर्नुभयो ।
संविधान संशोधन गरेर निर्वाचनमा गएन भने मुलुक संकटमा फस्ने भन्दै त्यसतर्फ मधेसवादी र एमालेलाई सोच्न पनि आग्रह गर्दै उहाले सम्बन्धित क्षेत्रका जनता र पार्टीबीच छलफल गरेरै विवादलाई टुंग्याउनुपर्ने बताउनु भयो ।
सञ्चारकर्मीको जिज्ञासामा उहाले सरकार परिवर्तनको विषयमा छलफल नभएको पनि स्पष्ठ पार्नुभयो ।
