काठमाडौं, मंसिर २२ ।
नेपाली कांग्रेसका सभापति शेरबहादुर देउवाले द्वन्द्व पीडितका लागि गठित सत्य निरुपण तथा मेलमिलाप आयोग र बेपत्ता पारिएका व्यक्तिको छानविन सम्बन्धि आयोगलाई क्रियाशिल बनाईने बताउनु भएको छ ।
आफ्नै निवास बुढानीलकण्ठमा द्वन्द्व पीडित राष्ट्रिय समाजको ज्ञापन पत्र बुझ्दै उहाले द्वन्द्वपीडितका मुद्दा समाधान गर्न नेपाली कांग्रेस लागि परेको बताउनु भयो ।
द्वन्द्वबाट सबैभन्दा बढी क्षति नेपाली कांग्रेसलाई पुगेकोले आफ्नो पार्टी समस्या सामधानमा गम्भिर रहेको उहाको भनाई छ ।
सभापति देउवाले द्वन्द्व पीडितका जायज मागलाई पार्टीले सकारात्मक रुपमा लिएको भन्दै समस्या चाडै सामधान हुने आश्वासन पनि दिनुभयो ।
द्वन्द्वपीडित राष्ट्रिय समाजका अध्यक्ष कुलबहादुर गुरुङले भने द्वन्द्व पीडितका बिषयमा सरकार र पार्टी मूकदर्शक भएको आरोप लगाउनु भयो ।
आयोग राजनीतिक पार्टीहरुको हस्तक्षेपबाट मुक्त हुन नसकेकै कारण द्वन्द्व पीडितका माग सम्बोधन नभएको भन्दै उहाले यसलाई पार्टीहरुले गम्भिरतापूर्वक नलिए आन्दोलन गर्ने चेतावनी दिनुभयो ।
