काठमाण्डौ ,२२ मंसिर ।
प्रमुख प्रतिपक्षी एमाले लगायतका साना दलको अबरोधका कारण ब्यावस्थापिका संसदको आजको बैठक पनि स्थगित भएको छ ।
सरकारले दर्ता गरेको संविधान संशोधन प्रस्ताव फिर्ता नगरेसम्म सदन चल्न नदिने भन्दै विपक्षी एमाले, माले, राष्ट्रिय जनमोर्चा र नेमकिपाका सांसदहरुले उठेर संसद अवरोध गरेपछि पर्सि सम्मका लागि बैठक स्थगित भएको हो ।
बैठक सुरु हुने बित्तिकै राष्ट्रिय जनमोर्चाका अध्यक्ष चित्रबहादुर केसीले संबिधान संसोधन प्रस्तावको औचीत्य नभएको बताउनु भयो ।
केसीले धारणा राखेलगत्तै प्रतिपक्षी दल एमाले लगायतका दलका सांसदहरुले उठेर विरोध जनाएपछि सभामुख ओनसरी घर्तीले पटक पटक कार्यसूची सम्झाउँदै बस्न आग्रह गरेपनि बस्न नमानेपछि उहाँले आगामि मंसिर २४ गते अपरान्ह ३ बजेसम्मका लागी बैठक स्थगित गर्नुभयो ।
केसीले वर्तमान सरकारले भारतीय डिजाईनमा संसोधन प्रस्ताव ल्याएको आरोप लगाउदै यो राष्ट्रिय हित विपरित भएको बताउनु भयो ।
अहिलेको आवस्यकता संबिधान संसोधन नभएपनि सरकारले बाहिरि ईसारा र डिजाईनमा एकलौटि विधेयक सदनमा दर्ता गराएकोले यो कदम नसच्याएसम्म बैठक सुचारु हुन नदिने केसीले बताउनु भयो ।
उहाले भारतको इसारामा तराईलाई सिक्किमीकरण गर्ने गरि प्रस्ताव आएको आरोप लगाउदै त्यस्तो कुनैपनि प्रयास स्वीकार्य नहुने बताउनु भयो ।
प्रतिपक्षी र साना दलले पटक पटक संसद बैठक अबरुद्ध पारेका कारण अख्तियारका निलम्बित प्रमुख लोकमानसिंह कार्की बिरुद्ध दर्ता भएको महाअभियोग प्रस्ताव पनि अलपत्र बनेको छ ।
गत मंसिर १४ गते सरकारले ल्याएको संशोधन विधेयक राष्ट्रहित विपरित रहेको भन्दै अहिलेसम्म चारपटक संसद बैठक अवरुद्ध भइसकेको छ ।
