काठमान्डौ मंसिर २२ ।
आज अन्तराष्ट्रिय नागरिक उड्डयन दिवस नेपालमा पनि विभिन्न कार्यक्रमको आयोजना गरि मनाइदै छ । दिवसको यस वर्षको नारा कुनै पनि देश उड्ययनमा पछाडी नपरोस भन्ने हेतुका साथ सबैसंगै कामगरौं भन्ने तय गरिएको छ ।
सन् १९९४ मा अन्तर्रा्ष्ट्रिय नागरिक उड्डयन संगठन (आइकाओ)ले आफ्नो स्थापना दिनको स्मरण गर्दै यो दिवस मनाउन सुरु गरेको थियो ।
पछि संयूक्त राष्ट्रसंघको महासभाले डिसेम्बर ७ तारिखलाई अन्तर्रा्ष्ट्रिय नागरीक उड्ययन दिवसका रुपमा मान्यता दिए सँगै विश्वभर यो दिवस मनाउन थालिएको हो ।
हवाई यात्रालाई सुरक्षित बनाउन सबैलाई जागरुक गर्दै हवाई यात्राको पहुँच विस्तार गर्ने उद्देश्यले यो दिवस विश्वभर मनाउने गरिन्छ । दिवसको अवसरमा आज सम्बन्धित सरोकारवाला निकायहरुले विभिन्न कार्यक्रमको आयोजना समेत गरेका छन् ।
नेपालमा पनि सन् १९५७ मा नागरीक उड्ययन प्राधिकरणको स्थापना भएको थियो ।
