काठमाडौ २२ मंसिर ।
मेलम्ची खानपानीको मुहानस्थित सिन्धुपाल्चोकको हेलम्बु–७ मा भेटिएको पहेँलो धातु सुन नभएको खानी तथा भूगर्भ विभागले जनाएको छ ।
काठमाडौं उपत्यकामा पानी ल्याउनका लागि इन्टेक निर्माण गर्ने क्रममा गत शुक्रबार पाँच मिटर लम्बाइ र चार मिटर चौडाइको ढुङ्गामा सुनजस्तो पहेँलो धातु फोला परेको थियो ।
मुहानस्थलमा भेटिएको उक्त धातु मेलम्ची खानेपानी विकास समिति र स्थानीयवासीले परीक्षणका लागि विभागमा बुझाएकामा अनुसन्धानका क्रममा सुन नभएको पुष्टी भएको हो ।
उक्त धातुलाई विभागको प्रयोगशालामा परीक्षण गर्दा सामान्य मात्रामा तामा भेटिएपनि त्यसमा सुनको मात्रा भने नभेटिएको विभागका निमित्त महानिर्देशक रामप्रसाद घिमिरेले जानकारी दिनुभयो ।
सुनजस्तो पहेँलो धातु भेटिएको मेलम्चीको मुहानस्थल समुद्री सतहबाट एक हजार चार सय ५५ मिटर उचाइमा पर्दछ ।
यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Tweets by @mirmireonline
