काठमाडौ २२ मंसिर ।
पूर्वप्रधानमन्त्री एवम् नेकपा एमालेका अध्यक्ष केपी शर्मा ओलीको भोलीबाट हुने भनिएको चीन भ्रमण अन्तिम समयमा आएर रोकिएको छ ।
मुलुकको पछिल्लो राजनितिक घटनाक्रमका कारण अध्यक्ष ओलीको भ्रमण रद्ध भएको पार्टी प्रचार विभाग उपप्रमुख सुर्य थापाले जानकारी दिनुभयो ।
सरकारले संसदमा दर्ता गरेको संविधान संशोधन विधेयकका विरुद्धमा पार्टीको नेतृत्वमा आन्दोलन जारी रहेको समयमा मुलुकबाहिर जान उचित नहुने सुझावका आधारमा उहाँले भ्रमण रद्ध गर्नुभएको एमालेले जनाएको छ ।
अध्यक्ष ओली चीनको हुवेई प्रान्तमा हुने इमर्जिङ मार्केट फोरम नामक अन्तर्राष्ट्रिय सम्मेलनमा सहभागी हुन भोली त्यसतर्फ जाने कार्यक्रम रहेको थियो ।
अध्यक्ष ओलीको भ्रमण रद्ध भएपछि महासचिव पोखरेल नेतृत्वको टोली भोली चीन जादै छन् । भ्रमणका क्रममा टोलीले उच्चस्तरीय भेटवार्ता गर्ने तयारी समेत भएको छ ।
