मंसीर २१ कठमाण्डौं । माओवादी केन्द्रका अध्यक्ष तथा प्रधानमन्त्री पुष्पकमल दाहालले एमालेको नेतृत्वमा बुटवल सहित देशका विभिन्न भागमा भएको प्रदर्शन गणतन्त्र र धर्म निरपेक्षता मास्ने षड्यन्त्रको अशं भएको दावी गर्नु भएको छ ।
पेरिसडाडा स्थित माओवादी मुख्यालयमा आज सम्पन्न पोलिटव्यूरो बैठकमा बोल्दै प्रधानमन्त्री प्रचण्डले संघीयता, गणतन्त्र , समानुपातिक समावेशी प्रतिनिधित्व जस्ता विषयमा एमाले सजिलै आएको थिएन भन्दै माओवादीलेलतारेर ल्याएको जिकिर गर्नु भयो ।
” तपाई हामीलाई थाहा छ , उहाहरु ( एमाले ) संवैधानिक राजतन्त्र र बहुदलीय प्रजातन्त्रको वकालत गरीरहेका थिए , ६२ साल सम्म रत्नपार्कमा ससद पुनर्वहालीको नारा लगाएर बसिरहेका थिए , तर हाम्रो बलमा उनीहरु राजतन्त्र हटाउन , समावेशीता स्वीकार गर्न बाध्य भए ” प्रचण्डले बताउनु भयो ।
उहाले अहिलेको समग्र परिवर्तनको नेता माओवादी भएको रआफ्नै पहलमा प्रधानमन्त्री बनेका एमाले अध्यक्ष ओलीले पटक पटक भारतमा दुत पठाएको स्मरण गर्दै अहिले देश भित्रै समस्याको समाधान गर्ने कोशिसलाई राष्टघातको रुपमा प्रचार गरेर जस लिन खोजेको भन्दै उनीहरुको खोक्रो राष्ट्रवादको भण्डाफोर गर्न र परिवर्तनको पक्षमा गाउ गाउमा अभियान लिएर जान नेताहरुलाई निर्देशन समेत प्रचण्डले दिनु भयो ।
अहिलेको एमाले नेतृत्वको यो प्रदर्शनले गणतन्त्र र संघीयता नै नचाहिने जस्तो गरी देखाउने प्रयास भएकाले यसको प्रतिवाद गर्नु पर्ने समय आएको प्रचण्डको भनाई रहेको एक पोलिटव्यूरो सदस्यले जानकारी दिनु भयो । बैठकले तीन महिने जनअभियान चलाउने समेत निर्णय गरेको छ ।
