सोलुखुम्बु, मंसिर २१ ।
नेकपा एमाले संसदीय दलका उपनेता सुवास नेम्वाङले प्रदेश नम्बर–५ बाट मधेस अलग गराउने विधेयक आएपनि त्यो कुन्ै हालतमा पारित नहुने बताउनु भएको छ ।
संविधान कार्यान्वयनका लागि चारमहिने जनपरिचालन अभियानको आज सोलुखुम्बुमा उद्घाटन गर्दै कुनैपनि हालतमा ५ नम्बर प्रदेश नटुक्रने बताउनु भयो ।
तराई र पहाड पूरै अलग गराएर नेपालको समृद्धिमा ठेस र्पुयाउने खेल भइरहेको भन्दै उहाले एमालेले त्यसलाई सफल हुन नदिने धारणा राख्नुभयो ।
मधेसी जनताको नभएर सिमित मधेस केन्द्रित दलका नेताको स्वार्थमा अहिले प्रदेश टुक्राउने गरी नेपाली कांग्रेस तथा नेकपा माओवादी केन्द्र मिलेर संसोधन प्रस्ताव ल्याएको उहाको भनाई छ ।
संविधान कार्यान्वयनको विकल्प नभएको भन्दै उहाले तराई–मधेस, पहाड र हिमाल सबै मिलाएर नेपाललाई समुन्नत दिशामा अघि बढाउने काम एमालेको नेतृत्वमामात्रै सम्भव भएको बताउनु भयो ।
