काठमाडौं, मंसिर २१।
प्रधानमन्त्री पुष्पकमल दाहाल र युरोपेली युनियनका राजदूत रिन्चे टिरिन्क बिच भेटवार्ता भएको छ ।
प्रधानमन्त्री निवास बालुवाटारमा आज विहान भएको भेटवार्तामा प्रधानमन्त्री दाहाल र टिरिन्क बिच नेपालको संविधान कार्यान्वयन र शान्ति प्रक्रिया लगायतका विषयमा छलफल भएको बताइएको छ ।
भेटमा प्रधानमन्त्रीले नेपालको शान्ति प्रक्रियाको सफलताका लागि युरोपेली युनियनले खेलेको भूमिका लागि धन्यवाद दिँदै भूकम्पपछिको पुनर्निर्माण एवं विकासका क्षेत्रमा गरेको सहयोगको प्रशंसा गर्नु भएको प्रधानमन्त्रीको निजी सचिवालयले जनाएको छ ।
जवाफमा राजदूत टीरिन्काले नेपालको शान्ति प्रक्रिया विश्वमै मौलिक भएको भन्दै यसबाट विश्व समुदायले सकारात्मक शिक्षा लिनसक्ने बताउनुभयो ।
नेपालको संविधान कार्यान्वयन सफलतापूर्वक अगाडि बढ्नेमा युरोपेली युनियन विश्वस्त रहेको उहाँले बताउनुभयो ।
