काठमाण्डौ ,२० मंसिर ।
स्थानीय विकास मन्त्री हितराज पाण्डेले राष्ट्रिय मूलधारमा आउन नसकेको समुदायको हितमा काम गर्न सरकारले राष्ट्रिय समावेशी आयोग गठन गर्ने तयारी गरेको बताउनु भएको छ ।
आयोगको सम्बन्धमा व्यवस्था गर्न बनेको विधेयकमाथि राजधानीमा गरिएको छलफलमा बोल्दै मन्त्री पाण्डेले आयोगले आपांगता भएका व्यक्ति, ज्येष्ठ नागरिक, श्रमिक, किसान, सिमान्तीकृत एवं विपन्न वर्गका बारेमा काम गर्ने बताउनु भयो ।
अल्पसंख्यक र पिछडा वर्गको हितका लागि काम गर्न सरकारले विशेष योजना बनाउने भन्दै उहाले राष्ट्रिय मूलधार बाहिर रहेका व्यक्ति र समुदायको संरक्षण, सम्वद्र्धन सशक्तीकरण जरुरी रहेकोमा जोड दिनुभयो ।
सामाजिक न्याय तथा मानव अधिकार समितिका सभापति सुशीलकुमार श्रेष्ठ, राजनीतिक विश्लेषक प्रध्यापक कृष्ण खनाललगायतले राष्ट्रिय समावेशी आयोगले आर्थिक विपन्न वर्गका समुदायको लागि काम गर्नु पर्ने धारणा राख्नु भयो ।
छलफल कार्यक्रममा ज्येष्ठ नागरिक, अपांगता भएका व्यक्ति, महिला, किसान, अल्पसंख्यक समुदायका प्रतिनिधिको सहभागिता रहेको थियो ।
