काठमाण्डौ ,मंसिर २० ।
स्थानीय तह पुनःसंरचना गर्न गठित आयोगका अध्यक्ष बालानन्द पौडेलले मंसिर मसान्तभित्र प्रतिवेदन सरकारलाई बुझाउने तयारी भईरहेको बताउनु भएको छ ।
तराईका सात जिल्लाबाहेक सबै जिल्लाबाट पुनःसंरचना सिफारिस आइसकेकाले मंसिरभित्र प्रतिवेदन बुझाइने तयारी भएको पौडेलले बताउनु भयो ।
अहिले ६८ जिल्लाका प्राप्त प्रतिवेदनलाई अन्तिम तयार पार्ने काम भईरहेको आयोगले जनाएको छ । तराईका बारा, पर्सा, रौतहट, सर्लाही, महोत्तरी, सिरहा र सप्तरीबाहेक सबै जिल्लाको प्रतिवेदन आयोगमा आइसकेको छ ।
यसअघि, आयोगले मंसिरको दोस्रो हप्ता प्रतिवेदन बुझाउने भनेको थियो । वि.सं. २०७२ चैतमा स्थानीय निकायको पुनःसंरचना गर्न गठित आयोगले पहिलो चरणमा चैत ४ गतेदेखि काम थालेको हो ।
यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Tweets by @mirmireonline
