काठमान्डौ मंसिर २० ।
आज विश्व स्वंयम सेवक दिवस नेपालमा पनि विभिन्न कार्यक्रम गरी मनाइदै छ । दिवसको यस वर्षको नारा ’स्वयम सेवकलाई सहयोगको हात बढाऔं’ भन्ने तय गरिएको छ ।
संयूक्त राष्ट्रसंघले प्रत्येक वर्षको डिसेम्बर ५ तारिखका दिन अन्तर्रा्ष्ट्रिय स्वंयम सेवक दिवस मनाउन आह्वान गरिए अनुसार यो दिवस मनाउन थालिएको हो ।
नेपालमा रेडक्रस, यूथ फर ब्लड लगायत अन्य थुप्रै सरकारी तथा गैरसरकारी संस्थाहरुले स्वंयम सेवकको रुपमा काम गरिरहेको छ ।
दिवसका अवसरमा विभिन्न सम्बन्धित निकायहरुले आज विविध कार्यक्रमको आयोजना समेत गरेका छन् । विश्व तथा राष्ट्रको विकासका लागि स्वंयम सेवकहरुको ठूलो भूमिका रहेको छ ।
पछिल्लो समय कार्य र दायित्वलाई सुविधासंग तुलना गर्ने प्रचलनले स्वयम सेवाको औचित्यमा कमी हुन थालेको पाइन्छ । कमजोर, बलिया सबैलाई एकैसाथ समेटेर हिंड्नु नै सामाजिक विकासको सूचक भएकाले यस्ता कार्यमा सूचना पूर्याउन तथा जागरण गर्न स्वयम सेवकको भूमीका महत्वपूर्ण रहेको पाइन्छ ।
