काठमाडौं, मंसिर १८ ।
स्पेनिस लिग ला लिगा फुटबलमा आज विश्व फुटबलका सर्वा्धिक सफल तथा बलिया टोली बार्सिलोना र रियल मड्रिडबीच बहुप्रतिक्षित भिडन्त हुँदै छ ।
स्पेनिस लिगमा बार्सिलोना र रियल मड्रिड बीच हुने भिडन्तलाई एल–क्लासिको भन्ने गरिन्छ । यी दुई टोलीबीचको भिडन्त विश्वभरका फुटबलप्रेमिका लागी सर्वा्धिक प्रतिक्षित खेल बन्ने गरेको छ ।
बार्सिलोनाको मैदानमा हुने खेल नेपाली समय अनुसार राति ९ बजे सुरु हुने छ । विश्व फुटबलका परस्पर प्रतिद्वन्द्वी यी दुई टोलीले पनि एक अर्का्बिरुद्धको खेललाई प्रतिष्ठाको लडाईंको रुपमा लिने गरेका छन् ।
जारी लिगमा अपराजित रहेको रियल मड्रिडले केहि कमजोर प्रदर्शन गरिरहेको साविक बिजेता बार्सिलोनाबिरुद्ध उसकै मैलानमा जित हात पार्ने योजना बनाएको छ ।
तर ला लिगामा रियल मड्रिडसँग सुखद इतिहास बोकेको बार्सिलोना घरेलु मैदानमा रियललाई पछार्दै अंक दुरी कम गर्ने सोचमा छ ।
जारी लिगमा १३ औ चरणका खेल सकिँदासम्म अंक तालिकामा ३३ अंक जोड्दै रियल मड्रिड शीर्ष स्थानमा छ । ६ अंकले पछि रहेको बार्सिलोना २७ अंकका साथ दोस्रो स्थानमा छ ।
