काठमाडौ ,१८ मंसिर ।
आज अपांगता भएका व्यक्तिहरुको २५ औं अन्तर्राष्ट्रिय दिवस, नेपालमा पनि विभिन्न कार्यक्रमको आयोजना गरी मनाईदैछ । विश्व स्वास्थ्य संगठनको आह्वानमा सन् १९९२ देखि प्रतयेक वर्ष डिसेम्बर ३ का दिन विश्वभर यो दिवस मनाउने गरिन्छ ।
दिवसको यस वर्षको नारा हासिल गरौं दिगो विकासका १७ लक्ष्य, सुनिश्चत हामीले चाहेको भविष्य भन्ने तय गरेको छ । दिवसका अवसरमा विभिन्न सरोकारवाला संघ संस्थाहरुले आज विविध कार्यक्रमको आयोजना गरेका छन् ।
राष्ट्रिय अपांग महासंघले राजधानीको भृकुटीमण्डवबाट आज बिहान प्रभातफेरि निकालेको छ । यस्तै केहिबेरपछि महासंघको कार्यलयमा विषेश कार्यक्रमको आयोजना समेत गरिएको छ ।
विश्वको कूल जनसंख्यको १५ प्रतिशत मानिसहरुमा कुनै न कुनै रुपमा अपांगता रहेको पाइएको विश्व बैंक र विश्व स्वास्थ्य संगठनले सन् २०११ मा प्रकाशित गरेको तथ्यांकमा उल्लेख छ ।
२०६८ सालको जनगणना अनुसार नेपालको कूल जनसंख्यको एक दशमलव ९४ प्रतिशत अपांगता भएका व्यक्ति रहेका छन् ।
