काठमान्डौ ,मंसिर १७ ।
थाइल्याण्डमा जारी एसीसी महिला क्रिकेट प्रतियोगितामा नेपालले आज भारतको सामाना गर्दै छ । नेपालले आज प्रतियोगिताको अन्तिम खेल अन्तर्गत भारतसँग प्रतिस्पर्धा गर्न लागेको हो ।
टेस्ट मान्यता प्राप्त भारत र नेपाल विचको खेल बैकंक स्थित एसियन इस्टीच्युट टेक्नोलोजिको खेल मैदानमा हुने छ । प्रतियोगितामा चार खेल खेलेको नेपालले चारवटै खेलमा पराजय भोगेको छ ।
चार खेल हार्ने क्रममा नेपालले पाकिस्तानसँग ९ विकेट, श्रीलंकासँग ८ विकेट, बंगलादेशसँग ९२ रन र आयोजक थाइल्याण्डसँग ८ विकेटले पराजित भएको थियो ।
प्रतियोगिताको ४ खेलमा जित निकाल्दै भारत ८ अंकका साथ शीर्ष स्थानमा रहेको छ भने पाकिस्तान ३ खेलमा जित निकाल्दै ६ अंकका साथ दोस्रो स्थानमा रहेको छ ।
यस्तै समान ४÷४ अंकका साथ श्रीलंका तेस्रो र बंगलादेश पाँचौ स्थानमा रहेका छन् भने थाइल्याण्ड नेपाललाई पराजित गर्दै छैटौ स्थानमा रहेको छ । नेपाल भने जितविहीन रहदै अन्तिम स्थानमा रहेको छ ।
