काठमान्डौ मंसिर १५ ।
१८ औ दिनदेखि आमरण अनसनमा बसिरहनुभएका डा गोविन्द केसीका माग तत्काल संबोधन गरी अनसन तोडाउन सरकारी चिकित्सक संघ नेपाल गोदानले सरकारलाई २४ घण्टे अल्टिमेटम दिएको छ ।
गोदानले आज बिज्ञप्ति जारी गरी डा केसीको जीवन रक्षाका लागी उहाको माग पुरा गराएर अनसन तोडाउन माग गरेको हो ।
केसीका प्रतिनिधि र सरकारी पक्ष बिच पटक पटक भएको वार्तँ पनि निश्कर्षबिहिन भएपछि २४ घण्टाभित्र डाक्टर केसीको अनसन समाप्त गर्न पहल नगरे सरकारी स्वास्थ्य संस्थामा सेवा दिन नसक्ने चेतावनी दिएको छ । बार्ता निश्कर्ष बिहिन हुनु स्वार्थ समुहको खेल हुनसक्ने गोदानले जनाएको छ ।
गोदानमा मुलुकभरका क्षेत्रीय, अञ्चल, जिल्ला, तथा प्राथमिक स्वास्थ्य संस्थामा कार्यरत झण्डै १ हजार ३ सय चिकित्सक आबद्ध छन् ।
अनसनरत डाक्टर केसीको मागबारे आज चौथो दिन पनि वार्ता हुने भनिए पनि समय तोकिएको छैन् ।
