काठमान्डौ, मंसिर १५ ।
वरिष्ठ चिकित्सक डा गोविन्द केसीको माग संबोधनका लागि भन्दै त्रिवि शिक्षण अस्पताल महारजगन्जका आवासीय चिकित्सकले आज देखि आकस्मिक सेवा बाहेक अन्य सेवा बहिष्कार गर्ने भएका छन् ।
वरिष्ठताका आधारमा डिन नियुक्तिसँगै चिकित्सा शिक्षा र सेवा सम्बन्धी विभिन्न माग राख्दै अनसन बस्नु भएका डा केसीको जीवन रक्षाको लागि आजदेखि आकस्मिक बाहेक अन्य सेवा बहिष्कार गरिएको रेजिडेन्ट डक्टर्स एसोसिएसनले जनाएको छ ।
डा केसीको माग पुरा गराउन सरकारलाई दवाव दिने उद्देश्य स्वरुप आवासीय चिकित्सकहरुले विभिन्न चरणमा आन्दोलन गर्दै आइरहेका छन् । यस अघि पनि उनीहरुले बहिरंग सेवामा काम गरेका थिएनन् ।
डा. केसीको माग सम्बोधनका लागि गठन भएको सरकारी वार्ता टोली र केसीका प्रतिनीधि विच तीन दिन सम्म वार्ताको प्रयास भए तापनि वार्ता निष्कर्षमा पुग्न सकेको छैन । आज चौथो दिन पनि वार्ताको प्रयास भइरहेको बताइएको छ ।
१८ औ दिन देखि दशौं पटक अनशनमा बस्नु भएका डा केसीको स्वास्थ्य अवस्था भने नाजुक बन्दै गएको छ ।
