काठमान्डौ मंसिर १४।
थाइल्याण्डमा जारी एसीसी महिला क्रिकेट प्रतियोगीतामा नेपालले आज बंगलादेशसँग प्रतिस्पर्धा गर्दै छ । नेपालले आज प्रतियोगिताको तेस्रो खेल अन्तर्गत बंगलादेशसँग प्रतिस्पर्धा गर्न लागेको हो ।
यी दुइ टोली विचको खेल बैकंक स्थित एसियन इस्टीच्युट टेक्नोलोजिको खेल मैदानमा दिउसो पौने १ बजे बाट सुरु हुने छ । यी दुवै टोली पहिलो जीत आफ्नो पक्षमा पार्ने दाउका साथ मैदान उत्रनेछन् ।
यस अघि हिजो श्रीलङकासँग भएको खेलमा नेपाली महिला टोली ८ विकेटले पराजित भएको छ । यस्तै पाकिस्तानसँग भएको पहिलो खेलमा पनि नेपाल ९ विकेटले पराजित भएको थियो ।
प्रतियोगितामा दुइ खेल हारेको नेपाल आजको खेल जित्दै अंक तालिकामा खाता खोल्ने दाउमा छ । तर टेष्ट मान्यताप्राप्त राष्ट्र बंगलादेशविरुद्धको खेल पनि नेपाली महिला टोलीका लागि सहज भने हुने देखिएको छैन ।
६ टोली सहभागी प्रतियोगिताको सबैभन्दा कमजोर टिम मानिएको नेपाल अंक तालिकाको पुछारमा छ ।
दोस्रो चरणको समाप्तिसम्म सत्प्रतिशत नतिजासहित भारत र पाकिस्तान शीर्ष दुईमा छन् भने श्रीलंका र बंगलादेश तेस्रो र चौथो स्थानमा छन् ।
अंकविहीन भए पनि आयोजक थाइल्याण्ड रन रेटका आधारमा नेपालभन्दा माथि छ ।
