काठमाण्डौं मंसीर ११ ।
थाईल्याण्डमा शुरु भएको एसीसी महिला क्रिकेट प्रतियोगीता २०१६ को पहिलो खेलमा नेपालले पाकिस्तान विरुद्ध कमजोर प्रदर्शन गर्दै ९ विकेटको पराजय व्यहोरेको छ ।
टस जीतेर पहिले व्याटीङ गरेको नेपालले १८.१ ओभरमा अलआउट हुदै मात्र ४७ रन जोड्न सक्यो । नेपालले दिएको ४८ रनको लक्ष्य पाकिस्तानले १० ओभरमा एक विकेट गुमाएर पुरा गर्यो ।
नेपालका लागि रुबीना क्षेत्रीले अविजित सर्वाधीक ११ रन जोड्नु बाहेक अन्य कुनै पनि खेलाडीले दोहोरो रन जोड्न सकेनन् । नेपालका ३ खेलाडी शुन्य रनमै पेभिलियन फर्किएका थिए ।
ज्योती पाण्डे र ईन्दु बर्माले समान ८ रन जोडे भने करुणा भण्डारीले ६ रन जोड्नि । यसै गरी निरा राजोपाध्याय २, सरीता मगर १ रन बनाएर आउट भईन् ।
नेरी थापा, सिता राना मगर, सरस्वती कुमारी शुन्य रनमा पेभिलियन फर्किएका थिए ।
पाकिस्तानका लागि आयसा जफरले २६ र जेभिरा खानले १६ रन जोडे ।
