बैतडि ,मंसिर २।
बैतडीमा मंसिर ११ गतेबाट बीपी स्मृति टि ट्वेन्टी नकआउट क्रिकेट प्रतियोगिता हुने भएको छ । प्रतियोगिता बैतडी जिल्ला क्रिकेट संघ र लोकतान्त्रिक खेलकुद संघको संयुक्त आयोजनामा हुन लागेको हो ।
यसअघि मङ्सिर ४ गतेबाट हुने भनिएको प्रतियोगिता विविध कारणले मङ्सिर ११ गतेका लागि सारिएको बैतडी जिल्ला क्रिकेट संघका अध्यक्ष रमेस बोहराले जानकारी दिनुभयो ।
प्रतियोगितामा सहभागी हुने टिमले मङ्सिर ५ गतेभित्र टिम दर्ता गराईसक्नुपर्नेछ । ३२ टिम सहभागी रहने प्रगियोगितामा प्रथम पुरस्कार एक लाख रुपैयाँ तथा द्वितीयलाई ५० हजार रुपैयाँ राखिएको जिल्ला क्रिकेट संघका अध्यक्ष बोहराले बताउनुभयो ।
प्रतियोगिता निङ्गलाशैनी क्रिकेट मैदान देहिमाण्डौमा र रातामाटामा रहेको बुढाबाजे क्रिकेट मैदानमा हुने जनाइएको छ ।
प्रतियोगिताले बैतडीमा क्रिकेटको विकास हुनुका साथै खेलाडीलाई क्षेत्रीय तथा राष्ट्रिय प्रतियोगिताका लागी छनौट गर्न सजिलो हुने आयोजकले आशा गरेका छन् ।
