भरतराज शर्मा(गोपाल) । स्वास्थ्यका लागी खेलकुद शिक्षाका लागी खेलकुद भन्ने मुल नाराका साथ आउदो मंसिर ४ गतेदेखी ११ गते सम्म सुनसरीको धरानमा तेश्रो खुल्ला आमन्त्रण हराईजन कप बास्केटवल प्रतियोगीता २०७३ हुने भएको छ ।
आज बिहिबार धरानमा पत्रकार सम्मेलनको आयोजना गरि सो खेल हुन लागेको हराईजन क्लब धरानका अध्यक्ष बालकृषण सुनुवारले जानकारी दिनुभएको हो ।
सम्मेलनमा सुनुवारले हरेक बर्ष झै यस बर्षपनि स्वास्थ्य र शिक्षाकालागी बास्केटवल खेलकुदको आयोजना गरिएको जानकारी दिनुभएको छ ।
सुनुवारका अनुसार बास्केटवल आफैमा पनि प्राबिधिक खेल भएकाले यस प्रकारका खेलको आयोजनाले खेलाडीहरुमा थप उत्साह मिल्नुका साथै खेलाडी उत्पादनमा सहयोग मिल्नेछ ।
खेल मंसिर ४ गतेबाट सुरुभई मंसिर ११गते सम्म चल्ने छ भने खेलमा हराईजन क्लब धरान,१७, बिपीकेआईएच ठक्टर्स टीम, बिपीकेआईएच स्टुडेन्ट टीम, स्टेयाग्स क्लब ए ,स्टेयाग्स क्लब बी,झापा बास्केटवलबल क्लब,इर्मोटल क्लब धरान १५,कार्मैल हाई स्कुल,डिपोटियन स्पोर्टस टीम, तरहरा बास्केटबल टीम,मोरङ बास्केटवल संघ बिराटनगर,यलम्बर क्लब धरान ८ र स्वर्णिम क्लब धरान १० को सहभागीता रहनेछ ।
ईजि राईडर्स गोल्ड सप मुख्य प्रायोजक रहेको खेलमा बिजेताले ३० हजार नगद टर्फी तथा मेडल हात पार्नैछ भने उपबिजेताले १५ हजार टर्फी ,मेडल हात पर्नेछ ।
