काठमाण्डौं कार्तिक मंसीर १ । एएफसीमा आवद्ध भएको ६२ वर्षको ईतिहासमा नेपालले पहिलो पटक एएफसीको कुनै पनि प्रतियोगीतामा जीत हात पारेर ट्रफी भित्र्याएको यो पहिलो पटक हो ।
मलेशियामा कार्तिक ३० मा सम्पन्न एएफसी सोलीडारीटी कपमा मकाउलाई एक शुन्यले हराउदै जीत हात पारे पछि नेपाली टोली ट्रफी सहित आज राति साढे ८ बजे त्रिभुवन अन्तराष्ट्रिय विमानस्थलमा ओर्लने छ ।
विमानस्थलमा टोलीलाई भव्य स्वागत गर्ने तयारी अखिल नेपाल फुटबल संघ एन्फाले गरेको छ । खेलकुद मन्त्री दलजीत श्रीपालीले राष्ट्रिय टोलीका सबै खेलाडीलाई जनही ३ लाख रुपैया सहयोग गर्ने घोषणा गर्नु भएको छ । यसैबीच टोलीका खेलाडीहरुले अब साफ् च्याम्पियन सिप २०१७ जीत्ने सपना बुन्न थालेका छन् ।
सोलीडारीटी कपको म्याच पछि स्टार स्ट्राईकर नवयुग श्रेष्ठले नेपालको अर्को लक्ष्य अब साफ् च्याम्पियनसिप रहेको बताए ।
नेपालका प्रशिक्षक कोजीले समेत टिममा रहेको केही कमजोरीलाई अब फेरी प्रशिक्षण शुरु गरेर सुधार गर्ने बताए । सुजल श्रेष्ठले भरत खबासले दिएको क्रस पासमा असाधारण गोल गर्दै टिमलाई जीताएका थिए ।
